martes, 10 de julio de 2018

Presentación do XIV FESTIVAL MUSICAL INTERCULTURAL DA XUVENTUDE


PRESENTACIÓN DO XIV FESTIVAL MUSICAL INTERCULTURAL DA XUVENTUDE

CONCELLO DE SOBRADO
Sobrado 10/07/2018
Esta mañá presentouse no salón de plenos da Casa do Concello de Sobrado o XIV Festival Musical Intercultural da Xuventude.
No acto estiveron presentes ademais do Alcalde do Concello Luis Lisardo Santos Ares, o promotor do festival Francisco Seijo “Gandy”, Xaquín Xesteira e Xurxo Raposo de “Treixadura”, Coke Blanco de “Nuevo Plan” e Lucas Quintas e Bruno Mosquera de “Evasion”.
Lisardo Santos destacou a promoción a nivel turístico, cultural e económico que supón a celebración do Festival Musical Intercultural da Xuventude como preámbulo da Feira da Troita que se celebra ó día seguinte.
Francisco Seijo “Gandy” que leva 9 anos na producción do festival destacou que este era un Concello exemplar por ter o mérito de facer un festival de esta magnitude a pesares de ter tan so 1800 habitantes. Destacando que cada vez que ven a Sobrado sempre aprende algo.
Os representantes de Treixadura sinalaron o esforzo titánico que supón elaborar un evento de esta índole e que lles facía especial ilusión tocar en Sobrado pois algún dos membros son da veciña vila de Arzúa. Ademais adiantaron que en Sobrado van a presentar temas do seu novo disco “inda canto!”
Coke Blanco de “Nuevo Plan" anticipou que a súa formación vai vir con ganas de moita festa e de facerllo pasar ben a todos os asistentes, destacou ademais que para eles era un orgullo poder tocar por primeira vez en Sobrado.
Xa por último, os membros de Evasion deron as grazas ó Concello por permitirlles ser partícipes do Festival por segúndo ano consecutivo e poder compartir esceario con artistas de este calibre.



martes, 3 de julio de 2018

Nova incorporación para o Festival e cambio de horario

O grupo rock de Teixeiro EVASIÓN incorpórase ó elenco de artistas que pasarán polo esceario do XIV Festival Musical Intercultural da Xuventude. EVASIÓN serán ademais os encargados de abrir o festival que cambia de hora de inicio, será as 21:30 horas na Praza do Concello.

lunes, 25 de junio de 2018

XIV FESTIVAL MUSICAL INTERCULTURAL DA XUVENTUDE


Facemos OFICIAL o elenco de artistas que estará presente na XIV Edición do FESTIVAL MUSICAL INTERCULTURAL DA XUVENTUDE que terá lugar en Sobrado o sábado 11 de agosto. 

A partires das 22:00 horas a música tradicional galega de TREIXADURA, o pop-rock de compromiso de SES e a mellor música española dos anos 80 con NUEVO PLAN farán disfrutar ó público de unha noite moi especial.

Non fagas plans para o 11 de agosto. En Sobrado temos o que ti demandas.


viernes, 11 de agosto de 2017

A Orquestra


A Orquestra encargada de poñer a música de verbena será DELUXE. Unha orquestra de recente creación, fundada concretamente neste ano 2017 na cidade da Coruña.

Deixámosvos o enlace de www.verbenagallega.com no que se poden conseguir máis datos de DELUXEhttp://verbenagallega.com/orquesta-delux-elegancia-y-calidad-en-un-nuevo-concepto-de-hacer-musica-de-baile/

jueves, 10 de agosto de 2017

A Tuna


Nunca antes nas anteriores edicións da Feira da Troita unha Tuna formara parte da programación. Este ano decidímonos a incluir esta festiva música no cartel. Será concretamente a TUNA DE VETERANOS DA CORUÑA quen se encargará de amenizar a sobremesa do domingo 13 na Praza da vila.

Podedes ter máis información na súa web www.tunadeveteranos.es

Os bailes e as músicas tradicionais: A Maristela, Las Torres de Cigales, Los Dulzaineros del Duero


Como cada ano na Feira da Troita non podía faltar o noso compromiso co baile e a música tradicional galega. Unha edición máis o noso grupo abandeirado A MARISTELA de Sobrado, estará con nós para amosar as súas magníficas interpretacións.

Nesta XVIII Edición quixemos afondar nas costumes de outras comunidades autónomas, neste caso nas de Castela e León. Desde Valladolid chegan 2 grupos: LAS TORRES DE CIGALES e LOS DULZAINEROS DEL DUERO. Unha bonita forma de achegamento para poder coñecer outras formas de baile e música tradicional.

Horarios:

LAS TORRES DE CIGALES / LOS DULZAINEROS DEL DUERO 14,00 horas
A MARISTELA 18,30 horas